Тој стигнал до милион, но од тие пари не добил ништо бидејќи неговото мамење било забележано и санкционирано.

Инграм, неговата сопруга и нивниот пријател се осомничени дека смислиле план за мамење за време на квизот, кој на крајот скапо ги чинел.

Квизот „Кој сака да биде милионер?“ го осмислил Британецот Дејвид Бригс, а истиот брзо стана еден од најпопуларните ТВ формати во светот. Досега квизот има добиено околу 120 верзии низ светот, приспособени на различни правила, награди и локални култури. Британската верзија, како и оригиналот, беше особено ценета поради напнатоста и високите награди, па многумина сакаа да си ја пробаат среќата.

Најголемата измама на квиз досега

Имено, Чарлс, неговата сопруга Дајана и пријателот Теквен Виток користеле тактика за мамење која вклучувала кашлање на точните одговори во текот на целата емисија. Дека е нешто сомнително забележал натпреварувачот Лери Вајтурст, кој потоа пријавил во продукцијата.

Еден од сомнителните моменти се случил на прашањето кое гласело: „Кој го издаде хит албумот „Born to Do It“ во 2000 година?“. Инграм првично избрал погрешен одговор, но откако размислил за тоа, се предомислил и се одлучил за точниот одговор - Крег Дејвид , иако рекол дека никогаш не слушнал за него. На 14-то прашање, кога требало да одговори кој град го проектирал баронот Осман, Инграм на почетокот бил сигурен дека тоа е Берлин, но без очигледна причина го променил својот одговор на Париз и бил во право.

Конечно, на последното прашање, каде што било побарано да го именува бројот чиј запис е „еден па сто нули“, Инграм првично избрал погрешен одговор, но повторно се предомислил и го означил точниот одговор - „googol“, број по кој и компанијата Гугл го добила своето име.

Казна наместо награда

Еден од продуцентите на квизот подоцна изјавил дека се сомнева во измама бидејќи Инграм одговарал со преголема самодоверба и без доволно размислување, што е невообичаено за вакви стресни ситуации. Истрагата покажала дека измамата е вистинска, а брачната двојка Инграм била осудена на 18 месеци затвор за измама и морала да плати казна од 115.000 фунти.

Тие не добиле ништо од освоените пари, а скандалот предизвика големо медиумско внимание. Парот исто така се нашол во неволја и неколку години подоцна кога се обиделе да измамат осигурителна компанија. Чарлс бил отпуштен од службата по скандалот, а подоцна се посветил на пишување книги.