Овие се петнаесетте предвидувања на Гејтс коишто се остварија.

Веб – страни за споредба на цени

Гејтс очекувал развој на веб – страници коишто ќе овозможат споредба на цените на различни производи. Денес таквите платформи го олеснуваат пронаоѓањето на најдобрите понуди во сите индустрии.

Мобилни телефони

Во својата книга Гејтс ја предвидел сеприсутноста на мобилните телефони. Тој напишал дека „секојдневно ќе носиме мали уреди коишто ќе ни овозможуваат постојана поврзаност и работење каде и да се наоѓаме“, а денешните „смарт“ телефони дури и ја надминуваат оваа визија на Гејтс.

Онлајн финансиски услуги

Гејтс предвидел дека луѓето ќе ги плаќаат сметките, ќе управуваат со своите финансии и ќе комуницираат со лекарите преку интернет. Денес го употребуваме интернет – банкарството и телемедицинските услуги, коишто овозможуваат поедноставно управување со финансиите и здравјето.

Виртуелни асистенти

Иако точно не ги предвидел „Alexa“ и „Siri“, Гејтс зборувал за лични асистенти коишто ќе ги синхронизираат уредите, ќе собираат податоци и ќе ги олеснуваат секојдневните задачи, а денес со присуството на бројните виртуелни помошници ова стана реалност.

Системи за надзор на домот

Гејтс предвидел постојани видео – преноси коишто ќе нè известуваат кога некој ќе го посети нашиот дом во наше отсуство, а денешните уреди како што е „Google Nest“ го овозможуваат токму тоа.

Социјални мрежи

Гејтс зборуваше за „приватни веб – страници“ за семејствата и пријателите. Иако социјалните мрежи како што се Фејсбук, Х и Инстаграм не се сосема приватни, сепак овозможуваат постојана поврзаност со одредени групи луѓе.

Автогенерирани огласи

Гејтс предвидел појава на софтвер којшто врз база на нашите активности и купувања ќе ни предлага понуди и активности на одредени места. Денес алгоритмите за рекламирање користат слични податоци за да ги приспособат рекламите кон нашите интереси.

„Паметни“ огласи

Гејтс сметал дека уредите ќе ги познаваат нашите куповни навики и ќе ни прикажуваат реклами во согласност со нашите преференции. Денес овој вид на таргетирано рекламирање е особено присутен на интернетот.

Расправии во „реално време“

Гејтс предвидел услуги коишто ќе овозможат расправи, за различни нешта, како што се спортски настани и тоа во реално време (во живо). Денес социјалните мрежи и спортските форуми им овозможуваат на навивачите да ги следат натпреварите и да ги коментираат во живо.

Линкови во текот на ТВ преноси

Гејтс предвидел дека телевизиските преноси ќе вклучуваат линкови од релевантни веб – страници и содржини поврзани со програма. Денешните преноси честопати нудат „QR“ кодови или „URL“ коишто гледачите ги насочуваат кон дополнителни информации.

Виртуелни форуми за расправа околу општествени прашања

Гејтс замислил платформи преку коишто граѓаните ќе можат да расправаат за локални проблеми преку интернет. Оваа негова визија денес се остварува по пат на бројни онлајн форуми и заедници.

Онлајн заедници втемелени на интереси

Гејтс предвидел дека луѓето ќе бидат поврзани врз база на интереси, а не локации. Денес платформите како што е „Reddit“ овозможуваат глобална поврзаност на луѓе со исти интереси, независно од нивното место на живеење.

Софтвер за управување со проекти

Гејтс предвидел софтвер којшто ќе ја олесни работата на работните тимови. Денес апликациите како што се: „Slack“ и „Microsoft Teams“ претставуваат клучни алатки за комуникација и организација во модерните компании.

Онлајн регрутација

Гејтс предвидел дека луѓето ќе можат да бараат работа и да се поврзуваат со работодавците преку интернет, а денес „Linkedln“ е водечка платформа за професионално вмрежување и вработување.

Софтвер за работни заедници

Тој исто така предвидел и платформи коишто на компаниите ќе им овозможат да се натпреваруваат за проекти и соработка, а ова исто така се исполни со оглед на тоа дека денес платформите како што се „Upwork“ и „Fiverra“ им го олеснуваат пронаоѓањето на клиенти и работа на малите компании.