Плажите во регионот Халкидики се за сечиј вкус и ги има во изобилие. Тие се прекрасно уредени и добро организирани, пространи и скриени, а многу од нив го имаат и „синото знаменце“, што доволно говори за тоа какви се.

Кавуротрипес

Позната и како Orange beach или Портокали, што на грчки значи портокал, плажата се карактеризира како вистински рај на земјата. Од неа има прекрасен поглед на Атос, третиот крак на Халкидики, на којшто се наоѓаат многу светогорски манастири. Иако може да се каже дека е баш лесно достапна, на неа речиси секогаш има многу туристи. Се наоѓа на Ситонија и организирана е во одредени делови.

Причините поради кои неретко се наведува како една од најдобрите плажи во Грција секако е кристално чистата вода која е релативно плитка, но и карпите кои ја опкружуваат.

Посиди

Знакот на распознавање на истоименото место на полуостровот Касандра и плажата Посиди е околу 15 метри висок светилник. Плажата е добро организирана и покриена со ситен песок, а долга е многу километри.

Мноштвото барови ја прават многу пријатна за престојување. Недалеку од плажата се наоѓа и значајно археолошко наоѓалиште на кое можат да се видат остатоци од храмот на богот Посејдон, старогрчкиот бог којшто управувал со морето и по легендата е заслужен за настанувањето на Халкидики.

Калитеа

Често Калитеа која се наоѓа на полуостровот Касандра, се истакнува како едно од најубавите летувалишта не само на Касандра туку и на целиот Халкидики, па некако е очекувано плажата во тоа летувалиште да се смести меѓу најдобрите во тој дел од Грција.

Позната е по мирното и топло море, а од неа се пружа неверојатен поглед кон Ситонија. Покриена е со ситен песок и лесно е достапна.

Трани Амудиа

Прилично извесно е дека плажата Ормос Панагиас, како што е нејзиното друго име, е една од најдолгите на Ситонија, меѓу оние кои се покриени со песок.

Се смета за најдобра опција за туристите кои сакаат да уживаат во мирот и одморот во вистинска смисла на тие зборови.

Организирана е делумно, а позната е по релативно плитката и мирна вода, по белиот песок којшто ја покрива. На неа нема метеж, а на посетителите им нуди можност за користење на услугите на локалните барови.

Неа Флогита

Меѓу летувалиштата Неа Муданија и Неа Плагиа се наоѓа летувалиштето Неа Флогита познато по долгата и песочна плажа.

Иако во текот на одредени денови од сезоната може да биде ветровито, плажата е чест избор за многу од туристите кои летуваат во тој дел од Грција. Добро е организирана, а на посетителите им нуди можност за изнајмување лежалки и чадори, што престојот на оваа плажа ќе го направат попријатен.