[ВИДЕО] Маск си подготвува изненадување за сопствениот роденден – „Tesla“ ќе испише историја во автомобилската индустрија

Во објава на социјалната мрежа „X“, Маск назначил дека лета од Лос Анџелес за Остин заради работа, за која претходно рекол дека ќе се случи „некогаш во јуни“.

Кога некој го прашал кога ќе почне јавното возење на тие возила, Маск изјавил дека моменталниот план е 22 јуни и дека првото возење без возач од фабриката на „Tesla“ до куќата на купувачот ќе се одржи на неговиот роденден, 28 јуни.

„Исклучително сме параноични по прашањето на безбедност, така што датумот би можел да се помести“, напишал Маск.

Во вторникот, Маск на социјалната мрежа „X“ споделил видео кое прикажува како „Tesla“ тестира возило без возач на патиштата на Остин без човечки супервизор за безбедност на воланот.

Осумте секунди ја прикажуваат неговата верзија на SUV  „Model Y“ обоен во црно со бело лого во графити стил, како се движи низ крстосница и застанува за пешаците да преминат улица.

Маск неодамна изјавил дека „Tesla“ ќе почне со воведување на малку, односно 10 до 20 роботски возила со нова технологија (Full Self-Driving). Тест-возилата вклучуваат „Model Y“, а не футуристичкиот „CyberCab“ којшто „Tesla“ планира да го произведе следната година.

Маск изјавил дека „Tesla“ на почеток ќе ограничи каде ќе може да сообраќаат роботските возила и дека вработените далечински ќе ги надгледуваат.

Додека фановите на „Tesla“ изразуваат ентузијазам за пилот-проектот на роботски услуги, други се загрижени за безбедноста на автомобилите, а оние кои се противат на политичката идеологија на Маск планираат протести.