Половни автомобили кои сите ги обожуваа, а сега не сакаат ни да ги видат: Цената драстично се намалила, но постои проблем

Без оглед на зголемување на бројот на регистрирани електрични автомобили за скоро 61 отсто во првиот квартал, тие сочинуваат околу 3 отсто од вкупната понуда на половни автомобили.

Главниот проблем е во нивниот брз пад на вредноста по истекот на договорот за лизинг.

Да ве потсетиме дека во ЕУ произведувачите морале да ја намалат вкупната емисија на CO2 на своите модели до 2027 година поради што многумина веќе долго време се фокусираат на продажбата исклучиво електрични автомобили.

Меѓутоа, додека ниските преостанати вредности на половните електрични автомобили не се изненадување, загубите на вредноста се поголеми од што се очекувало.

Пример „Audi e-tron Sportback“ илустрира проблем: Моделот којшто пред три години чинел над 86.700 евра денес може да се најде за помалку од 38.000 евра. Причините за враќањето на големиот број електрични возила од првата генерација (2021 и 2022 година) на пазарот е по завршување на лизингот. Според анализата, просечниот пад на вредноста на електричните автомобили е околу 6.400 евра во споредба со моделите со мотор на бензин.

Финансиските загуби првенствено ги погодуваат лизинг компаниите и произведувачите кои го надминале ризикот на пад на вредност. Малата побарувачка на приватни купувачи дополнително ја влошува ситуацијата, па возилата со месеци стојат на паркинзите.

Експертите предупредуваат дека проблемот дополнително ќе се зголеми затоа што „огромниот бран“ на враќање на возилата претстои.

Можно решение: Наместо продажба по ниски цени, се препорачува произведувачите и лизинг компаниите да ги задржат возилата во своја сопственост.