[ФОТО/ВИДЕО] Погледнете го шокантното издание на Хајди Клум на доделувањето на Греми наградите: Самата признала дека не можела ниту да седне

Клум на црвениот килим пристигнала во фустан во боја на нејзиниот тен, кој го имитира голото тело, а на Инстаграм открила дека фустанот, кој изгледа дека е направен од латекс, всушност е реплика на нејзиното тело, а го дизајнирала Марина Херманседер.

„Мојот фустан е кожен калап рачно изработен според моето тело, а потоа е лакиран за да се совпадне со мојата кожа“, напишала германската манекенка на Инстаграм.

Со назабено деколте и мало вдлабнување околу стомакот, изгледот беше истовремено откривачки и не — откриваше помалку од некои проѕирни изданија што го дефинираа трендот на „голи фустани“.Иако беа јасни ознаките околу брадавиците, стомакот и задникот, нејзината вистинска кожа сепак беше покриена. Од страните, фустанот имаше копчиња и ремени.

Со фустанот Клум носела потпетици во истата боја, а решила да ја пушти својата препознатлива руса коса во лесни бранови.

Проблемот со нејзиниот фустан бил недостатокот на подвижност — се пишуваше дека едвај може и да оди во него, а тешко можела и да седне во големата сала „Crypto.com Arena“, каде што се доделувале наградите.

Клум набрзо станала и главна атракција на Икс, каде што корисниците споделуваат немилосрдни коментари за нејзиниот „најлош“ изглед на вечерта.