Меѓутоа, да се биде добар лидер не е едноставно. Потребно е многу повеќе од едноставно управување со луѓето и ресурсите. Потребно е да бидете инспиративни, мотивирани, страстни и емпатични.

Особини на добрите лидери

Добар лидер не се раѓа, добар лидер се станува. Иако не постои формула за успех, доколку ги набљудуваме најуспешните светски лидери, можеме да забележиме дека секој од нив поседува одредени заеднички особини и вештини.

Непоколеблива храброст

Добар лидер мора да биде храбар. Неговата храброст е втемелена на повикувањето на себе, своите способности и вештини, но и на посветеноста кон својата цел. Никој не сака да биде под раководство на лидер кому му недостасува самодоверба и храброст. Дури и кога во таквата ситуација ќе се најдат луѓето, ќе ја искористат секоја прилика од таквиот лидер да побегнат.

Изразено чувство за праведност

Без чувство за праведност и почит, ниту еден лидер не може да стекне и задржи почит кај своите следбеници. Оние кои се придвижени од лидерот мора да имаат доверба во него и да знаат дека тој ќе донесе одлуки за општ интерес или интерес на мала група на луѓе.

Одлучност

Лидерите често се наоѓаат пред важни и комплексни одлуки од кои зависат животите на вработени. Тогаш кога се колебаат во одлучувањето, испраќаат сигнал дека не се сигурни во себе, што може да ја наруши довербата кај другите во нив. Тогаш ако одлучно и брзо реагираат на предизвиците, тоа може да ја подигне самодовербата и лојалноста кај следбениците, што понатаму доведува до поголем успех во она со што се занимаваат.

Планирање

Успешниот лидер е мајстор на планирањето. Тој своите цели ги остварува низ планирање и секогаш ја има детално испланирано иднината. Лидерите не се потпираат на случајноста и не дозволуваат работите само така да се одвиваат по природен тек, како брод без капетан.

Вредна работа и посветеност

Лидерите во поголем дел од случаите се луѓе кои работат повеќе од она за што се платени. Тие не се противат покрај организацијата да исполнат и некои технички обврски, доколку околностите тоа го бараат од нив. Покрај тоа тие со својот пример им покажуваат на луѓето кои ги следат да бидат подготвени да се жртвуваат за да ги остварат заедничките цели.

Пријатна личност

Арогантен или лош човек не може да биде добар лидер. Лидерството бара почит, разбирање, а пред сѐ човечност. За лидерот да биде посветен, сакан, луѓето во негово присуство мора да се чувствуваат пријатно.

Прифаќање на одговорност

Лидерот мора да биде подготвен да ја прифати одговорноста не само за себе, туку и за грешките на луѓето кои ги води. Доколку се обидува туѓите успеси да си ги препише себеси, но не сака да ја подели одговорноста за туѓите грешки, веројатно нема да остане уште долго лидер.

Карактеристики на неуспешни лидери

Како што постојат особини кои се заеднички за успешните лидери, исто така постојат и оние кои се заеднички за неуспешните лидери.

Себичност

Лидер којшто ги присвојува сите заслуги за работата на своите следбеници, недвосмислено ќе предизвика без и незадоволство кај нив. Вистински лидер не присвојува ниту една туѓа заслуга.

Нагласување на авторитет

Добриот лидер не е оној којшто предводи со стравот, туку оној којшто ги познава другите начини да ги мотивира луѓето околу себе. Тогаш кога своите следбеници сака да ги заплаши со својот авторитет или својата моќ, лидерот станува тиранин.

Нелојалност

За луѓето да бидат лојални до својот лидер, тој таа лојалност мора да ја заслужи, но пред сѐ и тој сам мора да биде лојален. Тука не зборуваме за лојалност кон работодавецот или надредениот туку и лојалност кон сите свои подредени и соработници. Нелојалноста го обезвреднува човекот и е една од најчестите причини за неуспех.