Риалити ѕвездата искрено за својот љубовен статус: „Мислите ли дека ќе бидам во целибат до крајот на мојот живот?“

„Ова си е мое време и не планирам да го споделувам со маж. Не сакам да го делам телевизорот и не сакам да го делам креветот“, изјави таа, а цитира „Пипл“.

Во најновата сезона на „Семејството Кардашијан“, Скот Дисик ја распраша Клои на темата наоѓање нова љубов, како и за тоа дали планира да се смири со нејзиниот поранешен партнер, кошаркарот Тристан Томпсон (33), со кого има две деца – 6-годишната ќерка Тру и речиси 2-годишниот син Тејтум. Таа му потенцираше дека „таа врата ѝ е затворена“ и дека е среќна со нивниот пријателски однос бидејќи заедно се грижат за нивните деца.

Клои се пожали и на фактот дека многу луѓе ја осудуваат за тоа како го поминува времето и за нејзиниот избор да не излегува со никого.

„Не се состанувам со никого две и пол години, но тоа не е толку лудо“, заклучила таа.

Сепак, таа објасни дека тоа е само моменталната ситуација.

„Дали мислиш дека ќе бидам во целибат до крајот на мојот живот? Но, не сакам никој да ми ја прекинува моменталната рутина. Удобна сум во мојот ритам“, додаде таа.

Да потсетиме, Клои Кардашијан и Тристан Томпсон почнаа да се забавуваат во 2016 година.

Тој ја изневери непосредно пред раѓањето на нивната ќерка. Второто изневерување се случи со Џордин Вудс во 2019 година. Во 2021 година, Томпсон ја изневери Кардашијан со Марли Николас, која и забремени од него во исто време додека Кардашијан го очекуваше нивното второ дете преку сурогат мајка.

Конечниот колапс на љубовта се случи неколку месеци пред раѓањето на нивниот син Тејтум во 2022 година, кога ријалити ѕвездата реши засекогаш да ја прекине врската.