Инфлуенсер тврди дека вака изгледа на 57 години поради здравите навики, следбениците го критикуваат: „Продолжи да ги залажуваш луѓето“

„Мојот изглед го должам на здравите животни избори. Отсекогаш сум давал приоритет на грижата за себе со урамнотежена исхрана, секојдневно вежбање и хидратација. Доволното спиење и заштитата на мојата кожа од сонце се клучни делови од мојата рутина“, напишал тој.

Брандао понатаму навел дека исто така е важно да се има позитивен начин на размислување, ефикасно да се управува со стресот и да се најде радост во животот.

Тој претходно сподели дека во овие години се чувствува подобро од кога било досега. Сепак, неговите следбеници му упатиле бројни критики во коментари.

„Здрав избор е да се прифатиш себеси таков каков што си. Луѓето стареат и тоа е убаво“, „Гледам дека си вбризгувал ботокс и си правел многу други работи. Продолжи да ги залажуваш луѓето“, „Не можеш да направиш гримаса поради силните пластични операции“, се дел од коментарите.

Едсон тренира секој ден - комбинира кревање тежини и кардио вежби. За појадок, тој обично консумира овошно смути, бадемово млеко, житарки и вегански палачинки. За ручек јаде риба или пилешко со зеленчук и кафеав ориз, а за вечера лосос со печурки, домати и кафеав ориз или сладок компир.