Најниската „VW Буба“ на светот е хит на „TikTok“

Видео кое собра над неколку милиони прегледи на „TikTok“ овие денови привлече огромно внимание, бидејќи изгледа како „глич“ – грешка во видеоигра при која автомобилот „потонал“ во патот, но останал функционален. Сепак, станува збор за вистинско видео – „Volkswagen Буба“ е пресечена по должина на возилото, од неа останале само покривот и хаубата, а вешт мајстор успеал во остатокот од каросеријата да вгради погон и да ги скрие тркалата, па така да се вози наоколу.

Авторот на оваа „Буба“, која ја нарекува „Half Ass“ (претпоставуваме дека преводот не е потребен), е Тексашанецот Стив Лоди. Возилото го придвижува мал погон од картинг болид, со пренос и тркала позајмени од скутер на „Honda“, а преработката е направена за само неколку дена пред околу две години. Од тогаш, автомобилот е уреден за изложби, а каде и да се појави, сите се вртат по него.

Во продолжение погледнете неколку видеа од оваа „полу-Буба“, кои се хит на социјалните мрежи, а доколку ве интересира приказната за тоа како е создадена, можете да ја најдете на овој линк. Преработката била инспирирана од официјално најнискиот автомобил на светот, „Fiat Panda“ од Гинисовата книга на рекорди, за кој исто така неодамна пишувавме.