Светското првенство во Катар заврши во корист на репрезентацијата на Аргентина, која си замина дома со пехарот од Мундијалот.
Не е тајна колку фудбалот им е важен на Јужноамериканците и дека фудбалерите се „мали богови“ во тамошните земји, а сега стигнува уште еден пример за огромната грижа на Аргентинците за добробитот на играчите.
Имено, напаѓачот Хулијан Алварез одлично се покажа на Светското првенство, каде постигна 4 гола и забележа 1 асистенција на 7 натпревари. Благодарение на тоа, тој по Меси стана најдобар стрелец на својот национален тим, а голема поддршка му пружаше и неговата девојка Емилија Фереро.
Но, навивачите сега се согласни - оваа врска мора да заврши!
Фановите на популарниот фудбалер на Манчестер Сити покренаа петиција со која го повикуваат Алварез да раскине со Емилија, а досега на сајтот „Change.org“ на кој е објавена петицијата има повеќе од 20.000 потписи.
Причина за тоа е видеото кое се појави на социјалните мрежи на кое се гледа како Емилија не ѝ дозволува на група деца да добијат автограм од нејзиното момче, туку дозволува само групно да се фотографираат со него.
„Мораме да му укажеме дека таа е токсична и дека го уништува неговиот имиџ“, стои во описот на петицијата.
Хулијан е во врска со Фереро од 2017 година.