Зошто овој зачин вреди повеќе од злато? Цената достигнува и до 40 евра за грам

Со цена што може да достигне 40 евра за еден грам, шафранот е убедливо најскапиот зачин во светот, а неговото одгледување и берба не се ништо помалку фасцинантни.

Цената на шафранот е толку висока поради сложеноста на неговото одгледување. За да се добие килограм сушен шафран, потребно е да се соберат дури 150.000 до 200.000 цветови. Секој цвет содржи само три „стигми“ (прашкасти делови од цветот) кои се берат рачно, што дополнително ја зголемува цената на овој зачин.

Шафранот е повеќегодишно растение кое расте од цветот „Crocus sativus“. Иако се смета за многу отпорен, дури и на снег, неговото одгледување не е лесно. Цветовите цветаат само три недели во текот на годината, што ја прави бербата многу кратка, но и тешка. Поради ова, шафранот се бере исклучиво рачно, а процесот бара многу труд.

Иако шафранот првично се одгледувал во Грција, денес се одгледува низ цела Евроазија, Северна Америка и Северна Африка. Се одгледува во делови од Македонија со поволни микроклиматски услови, каде што шафранот ја наоѓа својата плодна почва.

Килограм сушен шафран во светот чини околу 2.000 евра, додека цената на еден грам може да се искачи до 40 евра. Овие високи цени не се изненадувачки со оглед на количината на цвеќиња потребни за производство на мала количина зачин, како и високата работна сила и специјализираните услови за одгледување.

Растението е најзастапено во Иран. Околу Средоземјето и во Франција, Шпанија, Мароко, Грција, Турција, Италија и Австралија. Годишното производство изнесува околу 200 тони. Во Иран се произведуваат приближно 170 до 180 тони годишно. Во Иран го нарекуваат „црвено злато“.

Шафранот е познат и по своите лековити својства. Се верува дека има антивоспалителни и антидепресивни својства.

Има бројни здравствени предности, а само некои од нив се: ублажување на симптомите на депресија, подобрување на способностите на помнење и концентрација, одржување на здравјето на очите, намалување на нивоата на шеќерот во крвта итн.

Се смета дека шафранот го подобрува расположението, ја намалува анксиозноста, па дури и придонесува за здравјето на срцето.

Иако често се користи во готвењето, шафранот е популарен и во козметиката, каде што се користи во производството на луксузни производи за нега на кожата.

Квалитетниот шафран има интензивна црвено-портокалова боја и силен мирис. Ако шафранот има бледа боја или слаб мирис, веројатно не е вистински и може да биде со послаб квалитет.

Меѓутоа, треба да се има предвид дека треба да се биде претпазлив со употребата на шафранот. Безбедната дневна количина за консумирање од ова растение е 1,5 грама. Пет грама дејствуваат токсично, 10 предизвикуваат спонтан абортус кај трудниците, а 20 може да предизвикаат смрт.