Видео за кое зборува цела Америка: Легендарниот Анри клечел точно 8 минути и 46 секунди
Топката започна да се тркала и на терените во Соединетите Американски Држави со натпреварот помеѓу екипите на Монтреал и Њу Ингланд, каде минимална победа остварија гостите со резултат од 0:1, иако по мечот сите зборуваа само за еден потег.
Во центарот на вниманието бил тренерот на канадскиот тим, легендарниот Тиери Анри кој во првите 8 минути и 46 секунди од натпреварот клечел на теренот, а веќе е познато зошто и поради кого го направил ова.
Thierry Henry took a knee for the first 8 minutes and 46 seconds of tonight’s game in memory of George Floyd. pic.twitter.com/3n025jVeL5
— TSN (@TSN_Sports) July 10, 2020
Тоа време е запишано во официјалниот извештај за смртта на Афроамериканецот Џорџ Флојд, бидејќи точно 8 минути и 46 секунди му клечел полицаецот Дерек Човин на вратот и го усмртил во текот на апсењето во Минеаполис.
Анри ја водел екипата облечен во маица со пораката “Black Lives Matter” (Црните животи се важни).
“Клечев 8 минути и 46 секунди, верувам дека знаете зошто”, изјавил Анри пред новинарите по натпреварот.
“Само сакав да оддадам почит, да покажам поддршка и да се солидаризирам. Тоа беше тоа, многу едноставно”, додал Французинот.
Симболичниот гест на Анри е само еден во низата во борба против расизмот во САД. Слична порака испратија и фудбалерите на Филаделфија непосредно пред натпреварот со Њујорк. Тие на своите дресови, наместо своите имиња ги носеле имињата на жртвите на тортура од страна на американската полиција.
The Philadelphia Union's jerseys are honoring the names of members of the Black community who lost their lives to police brutality. pic.twitter.com/NWQZrlgvpq
— ESPN (@espn) July 9, 2020
