Со години еден од најдобрите тенисери на светот, Новак Ѓоковиќ, успеал да заработи огромна сума на пари, а дел од нив вложил во недвижнини. Некои од нив се негов дом во текот на целата година, другите се тука во нив да оди кога сака да се одмори.

Монте Карло – дом број 1

Ова е главното гнездо на Новак Ѓоковиќ. Во Монте Карло живее со години, таму каде гламурот и луксузот се гарантирани. Неговиот стан со поглед кон морето е вистинско прибежиште: луксузен, мирен и во близина на сите тренинг центри.

Белград – срцето на Србија, срцето на Новак

Иако е светски патник, Новак никогаш не се откажал од родниот Белград. Неговиот стан во Нов Белград е вистинска урбана оаза – модерен пентхаус со три спални соби, голема тераса и базен. Тука тој често престојува кога е во Србија, а вели дека сака да се опушти гледајќи ја Сава, далеку од тенискиот хаос.

Марбела – шпански рај

Оваа вила е навистина неверојатна. Во еден од најлуксузните делови од Марбела, Ѓоковиќ себеси си дозволил вистинска палата: детска соба, огромен базен, приватен тениски терен, спа-центар, кино... Како хотел со пет ѕвезди, само без гости. Оваа куќа најверојатно му е судена и за деновите кога ќе биде во пензија.

Њујорк – кога ќе посака да оди во Америка

Во Сохо, елитниот дел на Менхетен, Новак има два стана во футуристичка зграда која ја проектирал популарниот архитект Ренцо Пиано. Становите се светли, пространи и луксузни. Иако не престојува често таму, кога присуствува на УС Опен му се одлично прибежиште, а од нив се гледа цел Њујорк како на дланка.

Мајами – малку сонце, малку океан

Ѓоковиќ едно време имал пентхаус во луксузниот комплекс „Eighty Seven Park“ во Мајами. Таму сѐ било средено: од стаклени ѕидови до приватен лифт. Сепак, после неколку години тој одлучил да го продаде.