[ФОТО/ВИДЕО] Емотивни сцени на Вимблдон: Расплаканиот Димитров не можел да ја крене раката, па на неправеден начин се збогува од најпрестижниот турнир

Играл прекрасно, доминирал на теренот против фаворизираниот Италијанец, а потоа следел шок.

Доживеал тешка повреда при водство од 2:0 во сетови и бил принуден да го предаде натпреварот на Синер којшто така незаслужено заврши во четвртфиналето на најпрестижниот Гренд слем.

Димитров сервирал ас за 2:2 во третиот сет и се фатил за градите. Веднаш било јасно дека нешто не е во ред.

Докторите го однеле во соблекувалната за да утврдат за што станува збор, а по кратка пауза Димитров во солзи се вратил на теренот и веднаш го предал натпреварот.

Буквално не можел да ја крене раката. Се докажало дека го скинал мускулот на десниот дел од градите.

Синер му помогнал да ја спакува опремата и да го напушти теренот, а публиката го испратила со огромни овации.

Ова било петтиот по ред Гренд слем на којшто Димитров поради повреда морал да се откаже.

Оваа ситуација го погодила и Синер којшто порачал дека би се менувал со Димитров во следната рунда, а го нарекол и пријател.

По овој повод се огласил и Новак Ѓоковиќ, а на Инстаграм напишал: „Братко“.

Сета љубов и почит кон најдобриот тенисер на Бугарија на сите времиња Ѓоковиќ ја покажал преку овој гест.