[ФОТО] Со цена од 275 милиони долари ова е најлуксузната подморница на светот

Дизајнерот од Калифорнија, Стив Козлоф, не е странец на фантазијата и фантастичните пловила. Неговите концепти и идеи се еднакво извонредни и фантастични и додека поголем дел од нив излегоа од фазата хартија, размислувањата и можностите на човековиот ум неговата работа ја прават неверојатно возбудлива.

Најновиот концепт е наречен „Deep Sea Dreamer“ и претставува подморница од луксузна категорија со должина од 32 метри, обликувана во форма на риба, осмислена за пар којшто може да се спушти на длабочина од 100 метри.

Подморницата може да смести шест луѓе во две нивоа, давајќи неверојатен поглед и искуство кон океанот.

Благодарение на големите површини за набљудување, целта за истражување на подводниот свет е исполнета. Како и во стандардите на луксузните јахти, оваа подморница има и апартман, со тоалет и голем гардеробер.

Со можност да остане 100 метри под водата до седум дена, подморницата нуди малку можност за менување на гардеробата и максимално искористување на просторот.

Најкорисниот простор на оваа подморница е кабината за набљудување опремена со дизајнерски мебел, мал бар и голем клавир за забава.

Оваа пространа подморница нуди не помалку од 140 метри квадратни простор и чини 275 милиони долари.

„Deep Sea Dreamer“ на своите сопственици им нуди многу начини да уживаат во неа и околината. Исто така таа користи исклучително електрична енергија за 161 километри и може да помине една седмица непоместена на дното од океаните.

Подводниот рај е опремен со кујна за гурмани за максимално да биде искористена атмосферата и друштвото.

„Заборавете на типичните јахти“, изјавил дизајнерот, па додал: „Deep Sea Dreamer е подводен рај наменет за парови кои бараат апсолутна приватност и интима поврзани со водата“.